«Астана жастары» КММ еріктілері ойынға тәуелділік туралы ақпараттық парақшалар мен брошюраларды таратуға арналған әлеуметтік шара ұйымдастырды, деп хабарлайды елорда әкімдігінің ресми сайты.
Іс-шара Есіл өзенінің жағалауында өтті.
Акцияның басты мақсаты – құмар ойындарға тәуелділікпен күресу және халықты құмар ойындарға тәуелділік мәселелері туралы ақпараттандыру.
«Біз бәріміз лудомания жас ұрпақ арасында жиі кездесетін мәселе екенін түсінеміз. Біз де қала жастары ретінде өз үлесімізді қосып, түрлі шаралар өткізуге тырысамыз. Мәселен, бүгін жастарымызға әсер етеді деген оймен өтіп бара жатқандарға кітапшалар таратып жатырмыз», — деп бөлісті «Астана Жастар» мекемесінің маманы Камилла Мұхатаева.
«Астана жастары» еріктісі Федор Ермоленко бүгінде қоғамымызда құмар ойындарға тәуелділік мәселесі өткір тұрғанын атап өтті.
«Менің ойымша, жастар бұл тәуелділікке көбірек бейім. Бүгін біз Есіл өзенінің жағалауында кітапшалар таратып жатырмыз – бұл жасөспірімдер жиі серуендеп жүретін жер. Бұл соңғы шара емес, құмар ойындарға тәуелділік мәселесі өзекті болғандықтан, біз әлі де көптеген шаралар өткіземіз», — деп бөлісті «Астана жастары» еріктісі Федор Ермоленко.
Ақпараттық парақшаларды тарату қаланың басқа аудандарында – «Встреча» және «Артем» сауда үйлерінің аумағында жоспарланған.
