Алакөлде 160 ерекше бала жазғы демалыста болады
Жетісу өңірінде Алакөл жағасында орналасқан ерекше балаларға арналған сауықтыру лагерінде жаз маусымы басталды.
Биыл мұнда облыстың түкпір-түкпірінен келген 160 бала тегін демалады, деп хабарлайды Жетісу облысы әкімінің баспасөз қызметі.
Бүгін демалушылардың алғашқы легі Ақши ауылындағы лагерьге келіп жетті. Бұл заңды өкілдері бар ерекше қажеттіліктері бар 16 бала. Облыстық жұмыспен қамтуды үйлестіру және әлеуметтік бағдарламалар басқармасының басшысы Ермек Мизамбаевтың айтуынша, өткен жылы Алакөл жағасындағы жазғы лагерьде 127 бала демалса, биыл ерекше қажеттіліктері бар 160 бала тегін демалыспен қамтылмақ.
«Жансая» жартылай стационарлық медициналық-әлеуметтік мекемесі жанындағы жазғы демалыс лагері екінші жыл жұмыс істейді. Әрбір бала үшін демалыс ұзақтығы 5 күн. Балаларды қабылдау I-III топтағы мүгедектігі бар баланы орналастыру орны бойынша дәрігердің ұсынысы немесе қорытындысы негізінде жүзеге асырылады. Тұрғылықты жерінен Үшарал қаласына дейін орталыққа жол жүруді заңды өкіл немесе ілесіп жүретін тұлға өз бетінше ұйымдастырады, одан кейін біз өз тарапымыздан Ақши ауылына, лагерьдің өзіне орталықтандырылған тасымалдауды қамтамасыз етеміз.
Бүгін келгендердің арасында өткен жылы осы лагерьде балалары сауыққан отбасылар да бар. Солардың ішінде Тәуекелдің анасы Ажар:
«Алакөлдің суы емдік қасиетімен ерекшеленетіндіктен, балам екеуміз былтыр келдік, биыл тағы да емдік курстан өтуге келдік. Лагерь көлдің дәл жағасында, суға өте жақын орналасқан. Бұл балаларымыз үшін де, біз, ата-аналар үшін де өте қолайлы».
Мөлдір Ахметова ұлы Әлиханды лагерге алғаш рет әкелген екен:
«Осында келуге шешім қабылдағанымызға қуаныштымыз. Ерекше балалардың демалуы үшін өте жақсы жағдай. Қызметкерлердің біліктілігі жоғары, демалу және сауықтыру үшін барлық жағдай жасалған».
Осы жазғы сауықтыру лагері 2023 жылы Алакөл ауданы әкімдігінің тұрғын үйі базасында 6 мен 18 жас аралығындағы мүмкіндігі шектеулі балаларға арналған 40 орындық сауықтыру лагері ашылды, мұнда сапалы әлеуметтік қызмет көрсету мақсатында күрделі жөндеу жұмыстары жүргізіліп, Алакөлде демалуға барлық жағдай жасалды. Мамандардың айтуынша, мұндай белсенді демалыс балалардың денсаулығына ғана емес, балалардың әлеуметтенуіне де ықпал етеді.
