Астаналық оқушылар арасында балалар лагеріне билеттер ойнатылады
Астанада «Таза Қазақстан» экологиялық акциясы жалғасуда. Елорда тұрғындары мен қонақтары сенбіліктер мен экологиялық шараларға белсене қатысып, қаланың көркеюіне, тазалығына өз үлестерін қосуда.
Қалалық білім бөлімі астаналық мектеп оқушылары арасында үздік сурет байқауын бастайды. Байқаудың тақырыбы – «Таза Қазақстан» экоакциясы, қала мен табиғатқа қамқорлық. Жарыс 25 маусым мен 7 шілде аралығында жалғасады. 10 шілдеде байқаудың қорытындысы шығарылады. Үш жеңімпазға балалар лагеріне жолдама беріледі.
Байқауға қатысушылар Астана әкімдігінің Instagram желісіндегі ресми аккаунтына (@akimat__astana) жазылуы, суреттерін Instagram желісінде жариялауы және оны #tazaAstana, #ecoactionAstana хэштегтерімен белгілеуі қажет (ол жерде stories емес, жарияланған басылым болуы керек).
Тегтер: «Таза Қазақстан» экологиялық акциясы, конкурс, балалар, жолдама.
