Биыл Астанаға 300-ден астам автобус жеткізіледі
Астана әкімі Жеңіс Қасымбек Instagram желісіндегі парақшасында жаңа автобустар жеткізілетінін хабарлады, деп хабарлайды елорда әкімдігінің ресми сайты.
«Қалаға тағы 100 автобус келді. Техникалық дайындықтан кейін бірер күннен кейін олар линияға шығады.
Бұл автобустар желілердегі автобустардың санын көбейтуге, сол арқылы авобустарды күту аралығын қысқартуға, жаңа бағыттарды іске қосуға, ескі автобустарды біртіндеп ауыстыруға және т.б. мүмкіндіктерге жол ашылады.
Осы жылдың басында қалаға 100-ге жуық автобус әкелінген. Биыл барлығы 320 автобус жеткізуді жоспарлап отырмыз, соның ішінде жеке автопарктерден қаражат тарту арқылы да жеткіз жоспарланып отыр.
Мәселен, өткен жылы қоғамдық көліктер паркі 400 автобусқа ұлғайтылды», — деп жазды елорда әкімі.
