2-8 шілде аралығында Астанада Қазақстан мәдениетінің апталығы өтуде. Апталықтың әр күні ерекше тақырыпқа арналады, деп хабарлайды елорда әкімдігінің ресми сайты.
Осылайша, Ұлттық спорт түрлері күні шараға қатысушылар мен қонақтар V Дүниежүзілік көшпенділер ойындарына орайластырылған жарыстарды тамашалап, қатыса алды.
Қонақтарға арнап «асық ату», «гир көтеру», «арқан тартыс», «қол күрес» сияқты ұлттық спорт ойындары ұйымдастырылды. Этноауылдың атмосферасы халқымыздың «7 қазынасына» кіретін тазы мен қыран құстың болуының арқасында қалыптасты.
«Алты Бақан» алаңы да жабдықталды.
«Халыққа ұлттық спорт түрлерінен әр түрлі интерактивті ойындар дайындалып, олар жеке немесе топ болып өздерін көрсете алады. Өзгермелі сахнада Қосшы қаласының фольклорлық оркестрі өнер көрсетті», – деді Сарыарқа ауданы әкімдігінің өкілі Дамир Хисматуллин.
Киіз үйде ұлттық киімдер мен өнер көрмесі ұйымдастырылып, қонақтарға Қазақстанның бай мәдени мұрасымен танысуға бірегей мүмкіндік берілді.
«Астана – достықтың, бейбітшілік пен келісімнің қаласы, оны Қазақстан халқы Ассамблеясы сақтауға атсалысып отырған – тамыры, ұлты мен діні әртүрлі елдің халқын біріктіретін басты құралдың бірі. Сіз осы әдемі мегаполисте ұзақ уақыт өткізе аласыз, одан кетудің қажеті жоқ, өйткені онда заманауи адамға қажет нәрсенің бәрі бар. Туған күнің құтты болсын, құрметті Астана!
Жылылығыңыз бен сұлулығыңыз үшін рахмет! «Сіздерге және сіздің азаматтарыңызға бақыт пен өркендеу!»-деп «Оберег» қоғамының басшысы Тамара Ширмер тілегін білдірді.
Іс-шара Астана күнін мерекелеу аясында өткізіледі. 8 шілдеге дейін әртүрлі өнер әртістерінің қойылымдары өтеді.
