Солтүстік Қазақстан облысының прокурорлары денсаулық сақтау саласында талдау жүргізіп, онкологиялық дертке шалдыққан азаматтардың құқықтары мен мүдделерінің өрескел бұзылуын анықтады.
«Медициналық ұйымдар Әлеуметтік кодекстің талаптарына қайшы, аталған санаттағы 100-ден астам азаматты мүгедектікті анықтау үшін медициналық-әлеуметтік сараптамаға жібермеген», — деп хабарлады Солтүстік Қазақстан облысы прокуратурасының баспасөз қызметі.
Қадағалау органының актісі бойынша азаматтар мүгедектігі бар деп танылған, бұл оларға әлеуметтік қолдаудың барлық құқықтарын пайдалануға және мемлекеттік әлеуметтік жәрдемақы алуға мүмкіндік берді.
Жол берілген заң бұзушылықтар үшін 2 лауазымды тұлға заңнамада белгіленген тәртіппен жауапкершілікке тартылды.
Азаматтардың құқықтарын сақтау мәселесі прокуратураның бақылауында.
