Денсаулық сақтау министрлігі онкологиялық және онкогематологиялық дертке шалдыққан қазақстандықтарға мәлімдеме жасап, мұндай науқастарды дәрі-дәрмекпен қамтамасыз ету ведомствоның басым бағыты екеніне сендірді.
Денсаулық сақтау министрлігі атап өткендей, дәрі-дәрмекпен қамтамасыз етудегі кез келген үзілістерді жою үшін ведомство дәрі-дәрмекпен уақытылы қамтамасыз ету механизмін анықтады.
«Ешбір науқас қажетті емдеусіз қалмайды».
Қазақстан Республикасы Денсаулық сақтау министрлігі
Облыстық денсаулық сақтау басқармалары мен онкологиялық орталықтар жағдайды бақылауда.
Сондай-ақ, науқастарға ыңғайлы болу және қажетті ақпаратты алу үшін 8 (7172) 570 950 нөмірі бар Call-орталық жұмыс істейді, оған қоңырау шалып, онкологиялық көмектің қолжетімділігі мен сапасы мәселелері бойынша өтініштер қалдыруға болады, оның ішінде емделуден және көмектен бас тарту жағдайлары туралы хабарлауға болады.
Бұған дейін хабарлағанымыздай, 16 шілдеде «Қазақстан халқына» қоғамдық қоры онкологиялық науқастарға дәрі-дәрмек сатып алу мәселесін көтерген болатын. Қор медициналық көмектің кепілдік берілген көлемі аясында сатып алуға енгізілген онкологиялық препараттардың 6 түрінің қоры ағымдағы жылдың қыркүйек айына дейін жеткілікті болатынын мәлімдеді.
