Қазақстанда жыл сайын 5 мыңнан астам өкпе ісігі анықталады.
Ұлттық ғылыми онкологиялық орталық 3 тамызда Дүниежүзілік өкпе обырына қарсы күрес күні аясында ашық есік күнін өткізеді.
Қазақстанда, Денсаулық сақтау министрлігінің ресми мәліметі бойынша, жыл сайын 5 мыңнан астам өкпе ісігі анықталады. Бұл қатерлі ісіктің ең көп таралған түрлерінің бірі, өлім саны бойынша бірінші орында. Өкпенің қатерлі ісігінің негізгі себептерінің бірі темекі шегу болып табылады, бұл аурудың барлық жағдайларының шамамен 85% құрайды.
Өкпенің қатерлі ісігінің белгілеріне тұрақты жөтел, кеудедегі ауырсыну және ентігу жатады. Кейде симптомдар жеңіл болуы мүмкін және науқастар оларды қарапайым тыныс алу жолдарының ауруларымен шатастырады.
«Ұлттық ғылыми онкология орталығына Ашық есік күніне қауіп тобындағы немесе жиынтықта осы белгілердің көрінісін байқаған Астана қаласының барлық тұрғындары мен қонақтары шақырылады. Сіз біздің онколог-хирургтардан тегін тексеруден өтіп, кеңес ала аласыз», — деп хабарлады Ұлттық ғылыми онкология орталығында хабарлады.
Кездесуге кіру үшін алдымен Сall-орталықтың телефондары: 8-7172-702-911, 8-7172-702-900 немесе Whatsapp нөмірі бойынша тіркелу қажет+7 708 425 07 11 (тек хабарламалар үшін) және қабылдау уақытына кешікпей келіңіз. Тіркеу жұмыс күндері сағат 8.00-ден 17.00-ге дейін жүргізіледі.
Өзіңізбен бірге жеке куәлігіңіз және бар болса, алдыңғы тексерулердің нәтижелері, кеуде қуысының КТ-сы болуы керек.
Ұлттық ғылыми онкология орталығының орналасқан мекенжайы: Астана қаласы, Керей және Жәнібек хан көшесі, 3. Қабылдау күні мен уақыты: 3 тамыз, сағат 9.00-ден 13.00-ге дейін.
