Мектептерде жеңілдікпен тамақтандыру және тегін дәрі-дәрмектер: — «Әлеуметтік әмиян» ауқымы қандай болмақ
Ағымдағы жылдың 1 қыркүйегінен бастап Қазақстанның барлық өңірлерінде «Әлеуметтік әмиян» аясында мектеп оқушыларын тегін және жеңілдетілген бағамен тамақтандыру жобасы басталады.
Жоба қазақстандықтарға көрсетілетін мемлекеттік қолдау шараларының қолжетімділігі мен ашықтығын қамтамасыз етуге бағытталған. Аталмыш жоба пилоттық тәртіпте 2023 жылдың соңынан бастап елімізде азаматтардың жекелеген санаттарын дәрі-дәрмекпен қамтамасыз ету, мектептерде тегін және жеңілдетілген тамақтандыру сияқты қызметтер жүзеге асырылуда.
Дәрілік заттармен қамтамасыз ету үшін 43 ұйым қосылды, 30 мың рецепт сатылды; мектептерде тегін және жеңілдетілген тамақтандыруға – 93 ұйымға 27 мың түскі ас таратылды.
«Әлеуметтік әмиянды» әзірлеушілер осы жобалардың сәтті тәжірибесін барынша таратуға ниетті.
— Әлеуметтік әмиян» азаматтарға мемлекет ұсынатын барлық құралдар мен қолдау шаралары eGov қосымшасында жинақталғандықтан, азаматтардың мемлекеттік қолдау шараларын алуын жеңілдету үшін жасалған. Мемлекеттік көмек алу және қызмет көрсетудегі бүкіл тарихыңызды бақылау өте ыңғайлы. Ваучерлер жеке түрде шығарылады, бұл кез келген заңсыз толықтырулар мүмкіндігін болдырмайды. Ағымдағы жылдың соңына дейін еліміздің барлық азаматтары ыстық тамақ пен дәрі-дәрмекпен қамтамасыз етіледі деп жоспарлануда», — деді «BTS Digital» ЖШС бас директоры Нұртай Әбілғалиев.
Сонымен қатар «Әлеуметтік әмиян» аясында қаражатты монетизациялау және мүгедектігі бар азаматтарды техникалық оңалту құралдарын сатып алу бойынша пилоттық жобаларды іске қосу одан әрі дамытылуда; халықтың әлеуметтік осал топтарына ӘМӨТ тізімінен азық-түлік өнімдерін сатып алуға атаулы көмек көрсету; халықтың әлеуметтік осал санаттарынан тауарлық газды тұтынушыларға ваучерлер мен жанар-жағармай материалдарының қымбаттауының орнын толтыруға ваучерлер беру.
