Әлеуметтік қорғау мәселелері заңға сәйкес шешіледі
Қазақстан Республикасының Еңбек және халықты әлеуметтік қорғау министрі Светлана Жақыпова Азаматтарды қабылдау орталығында азаматтарды қабылдау жүргізіп, еліміздің әр өңірінен келген 5 қазақстандықтың өтінішін қарады.
Министрге мүгедектік тобын тағайындау, санаториялық-курорттық ем алу, әлеуметтік көмек көрсету және жұмыспен қамтуға жәрдемдесу бойынша сұрақтар қойылды.
Азаматтардың өтініштері мен ұсыныстарын тыңдаған Светлана Жакупова олардың өтініштеріне жан-жақты жауап берді. Қарастыру үшін қосымша уақытты қажет ететін мәселелерді жеке бақылауға алып, Қазақстан Республикасы Еңбек және халықты әлеуметтік қорғау министрлігінің тиісті бөлімшелеріне қолданыстағы заңнамаға сәйкес өз құзыреті шегінде шешуге ықпал етуді тапсырды.
