Қазақстанда мектеп жасына дейінгі баланың жеке даму картасы пайда болды
Қазақстан Республикасы Білім министрлігі мектеп жасына дейінгі баланың жеке даму картасын автоматтандырды. Ол балалардың дағдыларының дамуы мен жетілуін бақылауға мүмкіндік береді, деп хабарлайды ведомствоның баспасөз қызметі.
Мектепке дейінгі білім беру департаменті директорының айтуынша, карта бастауыш сынып мұғалімдері үшін балалардың мектеп бағдарламасын одан әрі дамытуда маңызды құрал болады. Карта цифрландырылды және Ұлттық білім беру деректер базасымен біріктірілді, бұл ақпараттты мектептермен алмасуға мүмкіндік береді және мектепке дейінгі және бастауыш білім арасында кедергісіз өтуді қамтамасыз етеді.
— Мектеп жасына дейінгі баланың жеке даму картасы әрбір баланың қажеттіліктерін жақсырақ түсінуге және оны мектепке сәтті бастауға дайындауға мүмкіндік береді. Карта дамудың барлық маңызды аспектілерін көрсетеді: Типтік оқу бағдарламасын меңгеру процесінде қалыптасатын физикалық жағдай, қарым-қатынас, танымдық, интеллектуалдық, шығармашылық, зерттеушілік және әлеуметтік-эмоционалдық дағдылар. Бұл жүйелі әдіс жақсы білім беруді қамтамасыз етеді және балалардың бастауыш сыныпқа сәтті бейімделуіне ықпал етеді», — деп атап өтті Манар Адамова.
