Дзюдошы Даяна Федосова 2024 жылы Парижде (Франция) өтіп жатқан Паралимпиада ойындарында Қазақстанға алтыншы медалін әкелді.
J2 сыныбында 57 келі салмақта қола үшін белдесуде ол Түркия өкілі Донда Йесилюртті 11:0 есебімен жеңді.
Қазақстан Паралимпиада ойындарындағы медальдар бойынша рекорд жаңартты
Бұған дейін SB13 класы бойынша 100 метрге брасс әдісімен жүзуден финалда сынға түскен қазақстандық жүзуші Нұрдәулет Жұмағали Паралимпиада ойындарының күміс жүлдегері атанған болатын.
48 келі салмақта сынға түскен дзюдошы Ақмарал Науатбек Қазақстанға алтын әкелді. Финалда ол Франция өкілі Сандрин Мартинетті жеңді.
Бірінші алтын медаль Давид Дегтярев өнер көрсеткен парапауэрлифтингтен алынды. Еркін Ғаббасов пневматикалық мылтықпен ату бойынша 10 метр қашықтықтан тұрып күміс алса, оқ лақтырудан Дастан Мұқашбеков қола жүлдегер атанды.
Бұл ретте Қазақстан Паралимпиада ойындарының медальдық есепте 34-орында қалды (6 жүлде – 2 алтын, 2 күміс, 2 қола).
Ерлер арасындағы жеребеде қазақстандық дзюдошы Ерғали Шәмей J1 сыныбында 73 келі салмақ дәрежесінде финалға шықты. Алтын үшін шешуші белдесуде ол румыниялық Флорин-Александру Бологимен.
