Параспортшыларды Батыс Қазақстан облысына ұшатын ұшаққа жібермеді
Спортшылар Қазақстан Республикасы чемпионатына екі күннен астам пойызда жүріп, жоғары сөрелерде жатып жетуге тура келді.
10 қыркүйекте облыстық мәслихатта Көлік министрі Марат Қарабаев халықпен кездесу өткізді. Жергілікті тұрғындар жол мәселесін ғана емес, әуе, теміржол және автобус қатынасы туралы да сұрақтар қойды.
Қоғам белсендісі Гүлмира Батпақұлованың әуе және теміржол көлігіне қатысты сауалы болды. Оның айтуынша, ұшақ бортында ұшуға параспорт қатысушыларына рұқсат етілмеген, себебі авиакомпания мұны бортта екіден артық мүгедектігі бар азамат болуы мүмкін деген ережемен түсіндірді. Соның салдарынан мүгедектігі бар спортшылар құрамасы Қазақстан Республикасының чемпионатына екі күннен астам пойызбен жол жүруге мәжбүр болып, пойыздың жоғарғы орындарына жайғасуға тура келген.
Батпақұлова министрге мүмкіндігі шектеулі жандардың мәселесіне көбірек көңіл бөлуді сұрап жүгінді.
Марат Қарабаев борттағы мүмкіндігі шектеулі жолаушылар санына шектеу қоятын ереже жоқ деп жауап берді.
