Қызылорда облысы, Сырдария ауданы, Шіркейлі ауылының тұрғыны Әйгерім Нұрланова жолдың жоқтығынан балаларын арбамен мектепке апарып жүр.
Жергілікті қоғамдық парақшалардың бірінде балаларын балшық пен жолсыз жерлерден өткізу үшін оларды мүгедектік арбасына отырғызып, мектептен үйіне жеткізіп жүрген видео жарияланып, жұртшылықтың біршама наразылығын тудырған.
Бейнебаянның авторы — Әйгерім, оның күйеуі мүгедектігі бар азамат. Әйел қолайсыз ауа-райында балаларын мектепке апару өте қиынға соғатынын, сондықтан арбамен жүретінін айтады.
Егіз баламыз бар, олар бес жаста, нөль сыныбында оқиды. Біз мектепке тікелей жолмен барамыз, өйткені айналма жол көп уақытты алады. Ал жаңбырлы күндері жол арқылы жүру де, көлікпен жүру де мүмкін емес. Аяқтары балшыққа батып қалады. Алғашында балалар мектептен өздері келгенімен, аяқ киімдері балшық болып, жууға көп уақыт кететін. Кейін оларды өзі күтіп алатын болған. Кейін күйеуімнің арбасы есіме түсіп, балаларды соған салып алып келетін болдым», — дейді Әйгерім.
Әйелдің күйеуі бірнеше рет ауыл әкімдігіне хабарласып, мәселені шешуді сұраған. Жергілікті биліктің реакциясын күтпестен Әбілқасимовтар отбасы видеоға түсіріп, әлеуметтік желіге жүктеген.
«Мен ешкіммен ұрысып не жанжалдасқым келмейді, бірақ мен олардың өздерін менің орнымда болғанын қалаймын, менің мүгедектігім бар, таңертеңнен кешке дейін үйде отырғым келмейді. Мен де арбамен жүргім келеді, бірақ біздің жолда бұл мүмкін емес», — деп түсіндірді ол.
Шіркейлі ауылы – Қызылорда қаласынан 55 шақырым жерде орналасқан Сырдария ауданындағы ірі елді мекендердің бірі. Ауылда 2700 адам тұрады.
«Біздің ауылда 17 көше бар, оның 4-і асфальтталған. Бейнежазбада көрсетілген көше негізгі көшенің тармағы болып табылады, яғни ауылдың жоспарында негізгі көше ретінде көрсетілмеген. Бұл жолға асфальт төсеуге бюджеттен қаржы бөлінбейді, алайда біз демеушілерге жүгініп, жолға құм төсеп үлгердік», — деді Шіркейлі әкімі Талғат Құламқадіров.
