Бұл ереже өз мәртебесін тиісті құжаттармен растауға жеткілікті азаматтардың тоғыз санатына қолданылады.
Қазақстан Республикасы Салық кодексінің 622-бабына сәйкес азаматтардың жекелеген санаттары жеке куәлікті алу кезінде мемлекеттік бажды төлеуден босатылады:
Ұлы Отан соғысының ардагерлері және жеңілдіктер бойынша оларға теңестірілген тұлғалар;
Кеңес Одағының Батыры және Социалистік Еңбек Ерлері;
Мүгедектігі бар жандар (барлық топтар), сондай-ақ бала кезінен мүгедектігі бар баланың ата-анасының бірі;
Медициналық-әлеуметтік мекемелерде (қарттар үйінде) тұратын қарт адамдар;
Мемлекеттің толық қамқорлығындағы жетім балалар мен ата-анасының қамқорлығынсыз қалған балалар;
«Батыр ана» атағын алған, «Алтын алқа» немесе «Күміс алқа» алқаларымен марапатталған көп балалы аналар;
Чернобыль АЭС апатынан зардап шеккен азаматтар;
Үш дәрежелі «Даңқ» және үш дәрежелі «Еңбек Даңқы» ордендерімен, сондай-ақ «Алтын Қыран» және «Отан» ордендерінің иегерлері, «Халық Қаһарманы», «Қазақстанның Еңбек Epi» атақтарымен марапатталған жандар;
1941 жылғы 22 маусымнан 1945 жылғы 9 мамырға дейінгі кезеңде кемінде алты ай жұмыс істеген және тылдағы еңбегі мен қызметі үшін ордендермен және медальдармен марапатталмаған азаматтар.
«Жеңілдікті пайдалану үшін өтініш беруші өзінің осы санаттардың біріне жататынын растайтын тиісті құжатты ұсынуы керек», — деп атап өтті ҚР ІІМ баспасөз хатшысы Шұғыла Тұрлыбек.
2025 жылы жеке куәлікті қалай және қайдан алуға болады
Жеке куәлікті тіркеу тек Халыққа қызмет көрсету орталықтарында жүзеге асырылады, бұл қызмет онлайн режимінде қолжетімді емес;
Ол экстерриториалдылық қағидаты бойынша қарастырылған – азаматтар тіркелген жеріне қарамастан кез келген Халыққа қызмет көрсету орталығына жүгіне алады.
Мерзімдері мен айыппұлдар
— Егер төлқұжатыңыздың мерзімі аяқталуға жақын болса, оны алдын ала ауыстыра аласыз. Төлемді кешіктіргені үшін айыппұлдар қарастырылмаған. Алайда, жеке басын куәландыратын құжаттарға қатысты басқа тәртіп қолданылады: құжаттың жарамдылық мерзімі өткеннен кейін бір ай ішінде ауыстырылмаса, айыппұл салынады, деп түсіндірді «Азаматтарға арналған үкімет» мемлекеттік мекемесінің Шымкент қалалық филиалының өкілі Алтынай Татаева.
Жеке куәлікті беру құны – 0,2 АЕК (787 теңге).
Жүргізуші куәлігіне келетін болсақ, сіз оны тегін ала алмайсыз;
Астана, Алматы және Шымкент қалаларында тегін төлқұжат алуға және автобустарда тегін жүруге кімнің құқығы бар екені бұған дейін хабарланған болатын.
