Тұрғын үй көмегін көрсету: өзгерістер енгізілді
Индустрия және құрылыс министрінің міндетін атқарушының 2025 жылғы 4 сәуірдегі бұйрығымен «Мемлекеттік тұрғын үй қорынан тұрғын үйлерді жекешелендіру» мемлекеттік қызметін көрсету қағидаларына өзгерістер енгізілді.
Атап айтқанда Мемлекеттік корпорациядан немесе «электрондық үкімет» веб-порталы арқылы құжаттардың толық топтамасы қабылданған күннен бастап құжаттарды қарау және тұрғын үй көмегін көрсету туралы шешімді немесе бас тарту туралы дәлелді жауапты қабылдау мерзімі алты жұмыс күнін құрайтыны көрсетілген.
Бұрын бұл сегіз күн болатын. Көрсетілетін қызметті алушының жиынтық табысын есептеу кезінде мыналар жеке тұлғаның кірісі ретінде қарастырылмайды; заттай көмек түрлері де ескеріледі:
• дәрілік заттар;
• курорттық емдеу;
• протездік-ортопедиялық бұйымдар (дайындау және жөндеу);
• мүгедектігі бар азаматтарға бөлінген көлік (кресло-арба) және оңалту құралдары; жан басына шаққандағы орташа табысы ең төменгі күнкөріс деңгейінен төмен мемлекеттік атаулы әлеуметтік көмек алмайтын отбасылардан шыққан мемлекеттік білім беру ұйымдарының студенттері мен тәрбиеленушілеріне, отбасында тұратын жетім балаларға, ата-анасының қамқорлығынсыз қалған балаларға, төтенше жағдайлар салдарынан шұғыл көмекке мұқтаж отбасылардан шыққан балаларға және жан басына шаққандағы орташа табысы ең төменгі күнкөріс деңгейінен төмен тұратын студенттер мен тәрбиеленушілер мен оқушылардың басқа санаттарына материалдық көмек; жалпы білім беретін мектептерді ағымдағы ұстауға және орта білім беруге мемлекеттік білім беру тапсырысын орналастыруға бөлінетін бюджет қаражатының кемінде екі пайызы мөлшерінде төтенше жағдайлардың салдарынан шұғыл көмекке мұқтаж отбасылардан шыққан балаларға және білім беру ұйымының алқалы басқару органы айқындайтын басқа да санаттағы студенттер мен тәрбиеленушілерге;
• бір жастан алты жасқа дейінгі әрбір балаға ай сайынғы қосымша төлем шеңберінде көрсетілетін көмек.
Бұйрық 2025 жылдың 19 сәуірінен бастап қолданысқа енгізіледі.
