Халықтың ең әлеуметтік осал топтары: I және II топтағы мүгедектігі бар жандар, көп балалы отбасылар, жетім балалар, мүгедектігі бар балаларды тәрбиелеп отырған отбасылар 2% ипотеканы пайдалана алады, деп мәлімдеді сенат аясында Индустрия және инфрақұрылымдық даму министрі Қайырбек Өскенбаев.
«Қазір біз әртүрлі нұсқаларды қарастырып жатырмыз. Мұндай ипотеканы басқа несие алуға мүмкіндігі жоқ ең осал санаттар пайдалана алады», — деді министр.
Сондай-ақ, ол тұрғындар арасында жалға берілетін тұрғын үй сұранысы жоғары екенін атап өтті.
«Егер біз басқа сатып алу құқығы бар немесе сатып алу құқығы жоқ «Жалға берілетін тұрғын үй» бағдарламасын іске қоссақ, онда бар бағдарламалардың мәні жоғалады. Себебі шарттар жақсы: бастапқы жарнаны төлеудің қажеті жоқ. Сондықтан қайта қарайтын боламыз. Бұл бағдарлама жақсы сұраныста болса, басқалары жойылады», — деп түйіндеді Өскенбаев.
