Қазақстандық лоукостер FlyArystan әуе компаниясы алдағы жылдың ақпан айында «Көмек» корпоративтік әлеуметтік жобасын ресми түрде іске қосад.
Бұл бастама аясында тек бірінші топтағы мүгедектңгң бар азаматтар ғана ғана емес, оларды алып жүретін адамдар да жеңілдікпен билеттер сатып ала алады. Айта кету керек, жоба бұрын пилоттық тәртіпте жұмыс істеген, алайда жолаушылардан оң пікірлер алғаннан кейін компания оны кеңейту туралы шешім қабылдады.
Ағымдағы жылдың шілде айында басталған «Көмек» пилоттық жобасы аясында FlyArystan белгілі бір топтағы азаматтарға 3 мыңнан астам жеңілдетілген әуе билеттерін ұсынды. Ұлы Отан соғысының ардагерлері мен оларға теңестірілген азаматтар, сондай-ақ олармен бірге жүретін жолаушы Қазақстан ішіндегі рейстерге 100% жеңілдік алды. Сондай-ақ 80 жастан асқан қарттарға да жеңілдіктер қарастырылған.
Еркін Исанов, FlyArystan компаниясының кірістерді есепке алу жөніндегі менеджері:
— Жалпы, FlyArystan компаниясы ерте брондау үшін жеңілдетілген тарифтерден басқа, 7 мың теңгеден басталатын қолжетімді тарифтерді ұсынады. Қазір Алматы-Шымкент бағытында қаңтар айына 8 мың теңге, ақпан айына 6 мың теңге тұратын билеттер бар. Белгіленген жеңілдіктерден басқа, FlyArystan қайырымдылық жобаларын үнемі қолдайды және емделуден өткен жолаушыларға тегін рейстерді ұсынады. Ел намысын қорғайтын спортшылар да тегін тасымалданады.
Мадина Бужинова, FlyArystan компаниясының маркетинг және сату жөніндегі директоры:
— FlyArystan сонымен қатар «Асар-уме», «Себепкер бол» және «Бетперделі адам» қорларымен тұрақты ынтымақтастықты жоғары бағалайды. Мұндай жобалар Қазақстан халқына үлкен пайда әкеледі және FlyArystan олардың кейбірінің қатысушысы болғанына өте қуанышты. FlyArystan лоукостер әуекомпаниясы Қазақстанның ғана емес, әлемнің 40-тан астам бағытына рейстерді жүзеге асырады. Жалпы компания қазірдің өзінде 10 миллионнан астам жолаушы тасымалдады, оның 1,5 миллионы ұшаққа алғаш рет отырды.
