Балабақшадағы бейнебақылау камерасы балаларға көрсетілген дөрекі әрекеттерді тіркеді.
Бейнежазба telegram арналарының бірінде пайда болды.
Кадрда бірнеше балабақша қызметкерлері 2-4 жас аралығындағы балаларды ұйықтатуға тырысады. Жатпай, тентектік көрсетіп жатқан балаларды тәрбиешілер қатты итеріп, алақандарымен ұрады.
Белгілі болғандай, оқиға Панфилов ауданындағы Головацкий ауылының балабақшасында болған. Жазба сәбилердің ата-аналарына жіберіліп, кейіннен көпшілікке танымал болды, бұл резонанс тудырды. Қазақстандықтар іс жүзінде тиісті шаралар қабылдауды талап етті.
Панфилов аудандық әкімдігі ресми тексеруді ұйымдастыру үшін балалар мекемесі 10 күнге жабылғанын хабарлады. Тексеру шараларына полиция қызметкерлері тартылды.
«Балабақшаның қызметі уақытша тоқтатылды. Тәрбиешілер А. және Г. жұмыстан шығарылды. Қазіргі уақытта полиция департаменті қажетті сараптамаларды тағайындаумен сотқа дейінгі тергеп-тексеруге бастамашылық жасады. Іс полицияның бақылауында»,-деп хабарлады әкімдіктің баспасөз қызметі.
Бұған дейін Алматы полициясы балабақшада баланы ұрып-соғу оқиғасы бойынша тергеуді бастаған болатын.
