Астанада аутизммен ауыратын балаларды қолдауға арналған қайырымдылық жарысы өтуде
Астана қаласының триатлон саябағында «Run for autism» қайырымдылық жарысы басталды.
Жарысқа 2 мыңнан астам адам қатысуда, оның ішінде Қазақстан Республикасы Парламенті Сенатының төрағасы Мәулен Әшімбаев, боксшы Василий Левит және т.б.
Сенат спикері елімізде аутизм мәселесі өте өзекті болғандықтан, мұндай іс-шараларды өткізудің маңыздылығын және осы дертке шалдыққан адамдарға көмектесу, олардың өмір сүруіне жағдай жасау маңыздылығын атап өтті.
— Жарысқа қатысуға 2323 адам тіркелген. Бұл көптеген адамдардың бірегей үлесі, өйткені барлық түскен қаражат балабақшалар мен мектептерде инклюзивті қолдау кабинеттерін ашуға жұмсалады және бұл іс-шара мүмкіндігінше көп адам аутизмнің не екенін білу үшін өткізіледі. Бұл адамда өмір бойы кездесіп отыратын жағдай. Аутизммен ауыратын балалар да мектепке, балабақшаға барып, білім алғысы келеді», — деп атап өтті «Болашақ» қоры Қамқоршылық кеңесінің төрағасы Динара Гаплан.
Қайырымдылық жарысын «Болашақ» корпоративтік қоры серіктестердің қолдауымен аутизм туралы қоғамның хабардарлығын арттыру, аутизммен ауыратын адамдардың өмір сүру сапасын жақсарту және олардың әлеуметтенуі мен жүзеге асуына жағдай жасау мақсатында өткізеді.
Ұйымдастырушылардың айтуынша, 2023 жылдың сәуіріндегі алғашқы қайырымдылық жарысынан жиналған қаражатты пайдалана отырып, «Болашақ» қоры Астанадағы 54, 60 және 66 балабақшалардағы үш инклюзивті қолдау бөлмесін жабдықтады.
Бұл сыныптарда аутизм спектрі бұзылған 18 бала оқиды.
Жарыс төрт қашықтықта өтеді: 1 км, 2,5 км, 5 км және 10 км. Қатысу құны 5 990 теңгеден 8 990 теңгеге дейін. Жарыс форматы: офлайн, онлайн. Жарысқа Қазақстанның 17 қаласынан кәсіби спортшылар, жүгірушілер, әуесқой спортшылар, ерекше балалар мен олардың ата-аналары және т.б. қатысады. Онлайн-жарысқа 14 адам тіркеліп, еліміздің 8 қаласында жарысұа шығады.
