Халықты әлеуметтік қорғау: мәселелер заңға сәйкес шешіледі
Қазақстан Республикасының Еңбек және халықты әлеуметтік қорғау министрі Светлана Жакупова Азаматтарды қабылдау орталығында азаматтарды қабылдап, еліміздің әр өңірінен келген қазақстандықтардың өтініштерін қарады.
Министрге медициналық-әлеуметтік сараптама қорытындысы, белгіленген мүгедектік тобын қайта қарау, жұмыссыз азаматтарды жұмысқа орналастыру, еңбек заңнамасын түсіндіру және т.б. сұрақтар қойылды.
Азаматтардың өтініштері мен ұсыныстарын тыңдаған Светлана Жакупова олардың өтініштеріне жан-жақты жауап берді. Қарастыру үшін қосымша уақытты қажет ететін мәселелерді жеке бақылауға алып, Қазақстан Республикасы Еңбек және халықты әлеуметтік қорғау министрлігінің тиісті бөлімшелеріне қолданыстағы заңнамаға сәйкес өз құзыреті шегінде шешуге ықпал етуді тапсырды.
