Ұлттық ғылыми онкология орталығында Ашық есік күні өтеді.
Бас және мойын патологиясын ерте анықтау бойынша ашық есік күні.
Астана қаласы, Керей және Жәнібек Хановтар көшесі, 3, Ұлттық ғылыми онкология орталығы.
20 шілде, сағат 9.00-ден 13.00-ге дейін.
Кім кеңес сұрай алады. Егер сіз сипатталған белгілерге алаңдасаңыз:
емделмейтін кішкентай ісік немесе жара;
жұтылу кезінде ауырсыну сезімі;
дауыстың үнемі қарлығуы, сөйлеудің бұзылуы;
мұрыннан іріңді ағу;
созылмалы полиптер;
тамақтың ауыруы;
мойынның немесе беттің деформациясы;
мұрынның немесе құлақтың бітелуі.
Тағы не білу керек. Денсаулық сақтау министрлігінің мәліметінше, Қазақстанда жыл сайын бас және мойын ісіктерінің 1500-ден астам жағдайы анықталып, 500-ден астам адам одан көз жұмады. Сапалы кеңес алу үшін алдымен онкологтарға сall-орталықтың телефоны арқылы жазылу қажет: 8 (7172) 702 911, 8 (7172) 702 900. Немесе азаматтар WhatsApp-қа жаза алады: 8 (708) 425 07 11. Қабылдауға жазылу жұмыс күндері сағат 8.00-ден 17.00-ге дейін жасалады.
Өзіңізбен бірге жеке куәлік және болған жағдайда алдыңғы тексерулердің нәтижелері алып келу қажет.
