Қостанай облысында 166 бала тегін оңалтудың орнына ақылы қызмет алды
Медициналық мекемелерді тексеру барысында балалардың денсаулық сақтау құқықтарын бұзу фактілері анықталды. Қостанай облысының прокурорлары істі бақылауға алды, деп хабарлайды.
Мамандандырылған медициналық орталықтарға әртүрлі дертке шалдыққан балаларды оңалту үшін ай сайын квота бөлінетіні анықталды. Орталықтарда болу тегін, бірақ емделушілердің болмауына немесе сапардан бас тартуына байланысты квоталар толық пайдаланылмайды. Оған заңды өкілдердің мұндай ұсыныстарды білмеуі себеп болды.
— Мысалы Қостанай қаласында кәмелетке толмаған науқасқа «Дружба» облыстық балалар орталығында оңалту курсынан өтуге ұсыныс жасалған. Тегін рәсімдеудің бар екендігін білмей, баланың заңды өкілдері оңалтуды өз қаражатына төлеген, деп хабарлады облыстық прокуратура.
