Балаларды ұрып-соғуға қатысты қылмыстық істер жарақаттары жеңіл болғандықтан жабылды деп хабарлайды. Нәтижесінде балабақша тәрбиешілері әкімшілік қамауға алынды. Ата-аналар тәрбиешінің балаларына күш қолданғаны туралы арызбен полицияға хабарласқан.
«Қарағандылық ата-аналар балалардың денесінен көгерген жерлерді, сызаттар мен гематомаларды тауып, камералардағы бейнежазбаларды қараған. Жазбалардан тәрбиешінің балаларға қолын көтергені анықталды. Жазбадан ата-ана тәрбиешінің балаларды итеріп қалып, жұлқып ұстағанын және оралған қағазбен бастарынан ұрғанын көрген», — деп хабарлады әкімшілік соттың баспасөз қызметі.
Полиция Қазақстан Республикасы Қылмыстық кодексінің 140-бабы «Білім беру ұйымы қызметкерінің қызметтік міндеттерін тиісінше орындамауы» бабы, 2 бөлігіне сәйкес қылмыстық іс қозғаған. Алайда сот-медициналық сараптама балалардың ауыр жарақат алмағанын көрсетті. Сондықтан қылмыстық іс жабылды. Нәтижесінде сот тәрбиешілерді екі тәулікке әкімшілік қамауға алу туралы қаулы шығарды.
«Осындай оқиға ағымдағы жылдың мамыр айының ортасында «Шығыс-2» шағын ауданында орналасқан «Цзинь» балабақшасында да болған. Камералардың арқасында ата-аналар мұғалімнің балаларды ұрып жатқанын білген. Нәтижесінде бір баланың денсаулығына жеңіл зақым келген. Тәрбиешінің үстінен қызметтік міндеттерін тиісінше орындамағаны үшін қылмыстық іс қозғалды. Кейін қылмыстың айғағы болмағандықтан іс жабылды. Әкімшілік іс таяу күндері қаралды.
Тәрбиеші істеген ісін мойындаған. Нәтижесінде сот оны төрт тәулікке әкімшілік қамауға алу туралы шешім қабылдады.
