Елордада қоғамдық көлікте тегін жүру қамтамасыз етілетін адамдардың тізімін кеңейту ұсынылды.
Нұр-Султан қаласының жұмыспен қамту және әлеуметтік қорғау басқармасы бастығының орынбасары Артем Әбілдинов Қалалық қоғамдық кеңестің отырысында сөйлеген сөзінде әлеуметтік-еңбек саласындағы мемлекеттік қызметтердің регламентіне өзгертулер енгізілгенін хабарлады.
«Жоспардың шешімімен тұрақты қамқорлықты қажет ететін бірінші топтағы мүгедектігі бар адамдардың қамқоршыларына тегін жол жүру жеңілдігі қарастырылуда. Қазір олардың саны үш мыңнан асады», — деді Артем Әбілдинов.
Сондай-ақ, осы санаттағы жеңілдік иелеріне саяси қуғын-сүргін құрбандарын енгізу ұсынылды.
«Қазақстан Республикасындағы 1986 жылғы 17-18 желтоқсан оқиғаларының қатысушыларынан саяси қуғын-сүргін құрбандарының жаңа санатын құру ұсынылды. Бұдан басқа, аталмыш жобаларды қаржыландыру жергілікті бюджеттен, тегін жол жүру үшін көзделген қаражат аясында, жүретінін айта кетейік », — деп атап өтті Артем Әбілдинов.
Оның айтуынша, жыл сайын астанада жеңілдік иелерінің тегін жол жүрулеріне 1 миллиард 300 миллион теңге бөлінеді.
«Маслихатқа, әкімдіктің кеңсесіне саяси қуғын-сүргін құрбандарын тегін жол жүруге мүмкіндік беретін жеңілдік иелері санатына енгізу туралы мәселе қозғалды. Бүгінде Нұр-Сұлтан қаласында қолдарында прокуратураның оңалту шешімі бар 50-ге жуық адам тіркелген», — деді Артем Әбілдинов.
Қоғамдық кеңестің мүшелері осы шешімнің пайдасына дауыс берді.
Ақпарат: Kazinform
