Жыл соңына дейін 2 мыңға жуық баспана астаналық көпбалалы аналарға берілмек. Бұл туралы Бахыт Сұлтанов кездесуде айтты.
Аталмыш жобалар үшін арнайы қосымша қаражат бөлінді. Жылына 2% мөлшерде ипотекалық несие жеңілдігін беру жоспарлануда. Қала басшысы басқа да әлеуметтік қолдау шаралары жайлы сөз қозғады. Сұлтанов ерекше балалары бар отбасылардың жәрдемақыны жоғарлату, дәрі-дәрмек сатып алуға жәрдемдесуге және өмір бойы мүгедектігі бойынша зейнетақы орнатуға қатысты өтініштерді тыңдап, тиісті шешім қаблыданатынын атап өтті.
Бахыт Сұлтанов, Нұр-Сұлтан қаласының әкімі: — Біз 18 жастан асқан адамдарға қатысты шешім қабылдадық. Қазіргі уақытта 18 жасқа дейінгі мүмкіндігі шектеулі баланың қамқоршысы қоғамдық көлікпен тегін жүре алады. Бюджеттен аталмыш проблеманы шешу үшін 1 млрд 300 млн теңге бөлінді. Үйде оқитын мүгедек-балаға берілетін жәрдемақы мөлшері бір жарым есеге ұлғайды. Әзірше бюджеттің шама-шарқысы осыған жетеді. Сонымен қатар, барлық мектеп директорларының жұмысына бәрқатар критерийлер қойылады. Яғни, олардың жұмыстарының тиімділігі инклюзия арқылы бағаланатын болады деген шешімге келдік.
Ақпарат: Хабар 24
