Астана қаласы әкімдігінің ресми сайтының хабарлауынша, Астанада келесі қалалық ауылшаруашылық жәрмеңкесі 11 және 12 сәуірде өтеді.
Жәрмеңкеде Қазақстанның әртүрлі аймақтарынан келген жергілікті фермерлер мен өндірушілердің өнімдері ұсынылады. Тұрғындар мен қонақтар жеміс-жидек пен көкөністерді, ет, ұн және сүт өнімдерін, нан-тоқаш өнімдерін, табиғи шырындарды, консервілерді, тосаптарды және тағы басқаларын тиімді бағамен сатып ала алады.
Іс-шара 11 және 12 сәуірде сағат 10:00-ден 19:00-ге дейін Алаш тас жолы, 35B мекенжайында орналасқан «Keryen Joly» сауда орталығында өтеді.
Келушілердің ыңғайлылығы үшін жәрмеңкенің жанында 7, 11, 39, 41, 45, 53, 59, 81, 307 және 317 автобус бағыттары қатынайды.
0
