9 және 10 мамыр күндері Астанада кезекті қалалық ауыл шаруашылығы жәрмеңкесі өтеді, деп хабарлайды елорда әкімдігінің ресми сайты.
Жәрмеңкеде жергілікті фермерлер мен Қазақстанның түрлі өңірлерінен келген өндірушілердің өнімдері ұсынылады. Қала тұрғындары мен қонақтары көкөніс пен жеміс-жидек, ет, ұн және сүт өнімдерін, нан-тоқаш өнімдерін, табиғи шырындар, тосаптар мен джемдерді және басқа да тауарларды қолжетімді бағамен сатып ала алады.
Іс-шара 9 және 10 мамыр күндері сағат 10:00-ден 19:00-ге дейін Алаш тас жолы, 35Б мекенжайында орналасқан «Keryen Joly» сауда орталығында өтеді.
Келушілерге ыңғайлы болу үшін жәрмеңке өтетін орын маңынан № 7, 11, 39, 41, 45, 53, 59, 81, 307 және 317 бағыттағы автобустар қатынайды.