Биылғы оқу жылында Қазақстан студенттері коронавирусқа қарсы вакцинацияланбаған студенттерді қоспағанда, офлайн тәртіпте оқиды.
Қазақстандық үміткерлер жоғары оқу орындарына түсу үшін құжаттарды ағымдағы жылдың 25 тамызына дейін тапсыруы тиіс.
«Жоғары оқу орындарына түсуге арналған мемлекеттік білім грантының барлық иегерлері құжаттарды 25 тамызға дейін тапсыруы керек. Ол үшін eGov.kz порталы арқылы өтініш беру қажет. Қызмет 2021 жылдың 17 тамызынан бастап қолжетімді болады», — деп хабарлайды баспасөз қызметі. Бұл туралы Білім және ғылым министрлігі хабарлады.
Жоғары оқу орындарына ақылы негізде түсу үшін жоғары оқу орындарының виртуалды қабылдау бөліміне хабарласу қажет. Олардың тізімі Ұлттық тестілеу орталығының сайтында орналастырылған.
Қазақстанда жаңа оқу жылы дәстүрлі түрде 1 қыркүйектен басталады.
