Шығыс Қазақстан облысында кеден тәркілеген 40 миллион теңгенің киім-кешектері мен аяқ киімдері әлеуметтік мекемелерге берілді. Өткен жылы олар бұл заттарды ЕАЭО елдері арқылы Венгрияға өткізбек болған. Қылмыстық іс қозғалып, тауарлар тәркіленді.
«Біз бұл өнімді не жоюымыз керек, не қалыпты, жақсы, шартты жағдайда болса, оны ұйымдар мен әлеуметтік нысандарға беруіміз керек еді. Яғни, мұқтаж жандарға. Бұл жағдайда халықтың қорғалмаған топтары. Осыған байланысты мемлекеттік кірістер департаменті комиссиясының шешімімен біз бұл тауарларды балалар үйлеріне, қарттар үйлеріне беру туралы шешім қабылдадық», — деп түсіндірді Шығыс Қазақстан облысы бойынша мемлекеттік кірістер департаменті басшысының орынбасары Ержан Қтанов.
Қытайдан келген тауарды тасымалдаушы да, иесі де дұрыс тіркемеген. Ол да мемлекетке сатылмай қалды. Заттар қоймада ұзақ жатса да, әбден жарамды болып шықты. Сондықтан, облыстық білім басқармаларының, сондай-ақ жұмыспен қамту және әлеуметтік бағдарламаларды үйлестіруінің көмегімен 17-ге жуық мекеме іріктеліп алынды. Оларда жетім балалар, қарттар мен мүмкіндігі шектеулі жандар тұрады.
«Тарбағатай арнайы әлеуметтік қызмет көрсету орталығы 50 төсекке есептелген. Қазір бізде мүгедектігі бар жандар де, қарттар да бар. Мұнда бізге бұрын тізім берілген. Біз бұл тізімді қарап шықтық. Бұл тізімде бізге шынымен қажет барлық қажетті заттар бар. Бұл, ең алдымен, киім-кешек, трикотаж», — дейді орталық директоры Айдын Ожайтов.
