Елорда тұрғындарының атаулы әлеуметтік көмек бойынша сұрақтарға жауаптарын үйден шықпай-ақ үй телефоны немесе мобильді қосымша арқылы алуға мүмкіндіктері бар,- деп хабарлайды қалалық әкімдіктің ресми сайты.
Smart Astana қосымшасы арқылы бірыңғай 111 байланыс орталығына хабарласуға болады. Атаулы әлеуметтік көмекті (АӘК) алушыларға жедел желінің ашық екендігін хабарлайды «Астана Innovations».
АӘК – табысы төмен аз қамтылған отбасылар мен азаматтарға, соның ішінде көпбалалы отбасыларға берілетін қаржылай төлем
Атаулы әлеуметтік көмекті алу үшін қандай құжаттар қажет? АӘК- ті алу үшін тұрып жатқан жерінде тұрғылықты тіркеуге тұру керек пе? Осы және басқа да сұрақтарға үйден шықпастан жауап алуға болады. 111 бірыңғай тегін байланыс орталығына хабарлассаңыз жеткілікті. Бұны үй телефоны және біздің Smart Astana мобильді қосымшасы арқылы да жасауға болады»,- делінген компания хабарламасында.
Ақпарат: Казинформ
