Қазақстан Республикасы азаматтарының жекелеген санаттарына жататын адамдар мемлекет тарапынан берілетін пәтерлер кезегіне әкімдікте тұруға құқылы, деп хабарлайды Хабар 24.
Баспанаға мұқтаж жандар мемлекеттік тұрғын үй қорына тіркелу үшін арнайы өтініш; жеке куәлік; неке туралы куәліктер (тоқтату) туралы, Астана қаласында кемінде 3 жыл тұру фактісін растайтын құжат, өтініш берушінің «Тұрғын үй қатынастары туралы» Қазақстан Республикасы Заңының 67-бабында айқындалған категорияға қатынасын растайтын құжаттарды тапсырулары керек. Халықтың әлеуметтік осал топтары (жетім балалар, ата-анасының қамқорлығынсыз қалған балалар және мүгедек балалар) әрбір отбасы мүшесіне өтініш жасамай тұрып соңғы 12 айдағы табысы жайлы есеп береді (Куәлікті «Нұр-Сұлтан» жұмыспен қамту басқармасы Достық көшесі, 13, 11-ші үстел мекенжайы бойынша алуға болады). Мемлекеттік қызметшілер, бюджеттік ұйымдардың қызметкерлері, әскери қызметшілер, арнаулы мемлекеттік органдардың қызметкерлері және лауазымы мемлекеттік сайлау арқылы анықталған тұлғалар жұмыс орнынан анықтама береді (қызметі жайлы). Жалғыз баспанасы тұруға жарамсыз деп танылған азаматтар төтенше тұрғын үйді тану туралы қорытынды береді (Астана қаласы Тұрғын үй инспекциясы басқармасы, Әуезов к-сі,19). Жанұя тұратын үй белгіленген санитарлық және техникалық талаптарға сай болмаса, көршілес, оқшауланбаған тұрғын үйде екі немесе одан да көп отбасы тұрып жатса немесе отбасында созылмалы аурулардың ауыр түрлерімен ауыратын науқастардың болуы себепті бөлмені (пәтерді) олармен бөлісу мүмкін болмаған жағдайда, қызмет алушы тиісті уәкілетті органдардың қосымша анықтамасын ұсынады.Мемлекеттік корпорацияның қызметкерлері басқа қажетті құжаттарды тиісті мемлекеттік ақпараттық жүйелерден алады.
Ақпарат: Хабар 24
