Елорда тұрғыны Әсел Сайлаубай мүгедектер мен арба сүйреген ата-аналар үшін пандусы жоқ автобустардың қолайсыздығы туралы мәселе көтерді. Енді астаналықтарға қала ішінде бірнеше автобус ауыстыруға тура келеді, себебі жаңа қоғамдық көліктерге кіру мүмкіндігі жоқ.
Автобусқа кіре алмадық. Баспалдақтары өте биік. Үйімізге үш автобус ауыстырып жетуімізге тура келді. Қыста тіпті керемет болады – баспалдақтан домалап қарға күмп береміз, — деп жазады Ә.Сайлаубай Facebook желісіндегі «Астана, хочу похвалить, пожаловаться» деген топта.
Мүгедек, тірек-қимыл жүйесі ауыратын жаңдар, арба сүйреген, кішкентай сәбилері бар аналар мұндай автобустарға қалай кіреді екен деген мәселе өзін толғандыратынын жазыпты қала тұрғыны.
«Автобусқа осындай баспалдақтармен жүгіріп кіруді былай қойғанда, әрең қозғалып жүрген қарт жандарды автобус жүргізушілері күтпестен жүріп кететін жайттарға талай рет куәгер болғанмын. Ал жеңілдеу, әмбебап арба сатып алыңыздар деп пікір қалдырушыларға айтарым, көп адамдарға ол арбаларды сыйға тартады немесе қайырымды жандар беріп жатады, ал автобус болса – қоғамдық көлік, яғни ол тұтас қоғамға арналған. Сондықтан ол қоғам өмірін жеңілдетуі тиіс», — деп жазды Әсел Сайлаубай.
Бұл жазбаға CTS көлік компаниясының ресми өкілі Оксана Лоскутова жауап берді. CTS баспасөз хатшысының сөзінше өзі өзге елде автобустар мен метрода арбаны жинап, баланы қолына алып жүрген кездері болыпты.
Осы жазбаға қалдырғын пікірінде осындай автобустарға арбамен мініп түскенін видеоға түсіріп салатынын уәде еткен.
Топ қатысушыларының бірі жазбаға көлік компаниясының шағымға берген жауабын жариялаған.
«№ 39 және 16 бағдарларында А класындағы автобустарға жататын Iveco Crossway Pro маркалы автобустары жұмылдырылған. Аталмыш автобустар осы бағдардағы жолаушылар ағымына сәйкес келетіндіктен, оларды ауыстыру мәселесі қарастырылмайды. Қиындықтар тудырғанымыз үшін кешірім сұраймыз» деп жазылыпты компания жауабында.
Источник: newtimes.kz
