Диетолог, медицина ғылымдарының кандидаты және Еуропалық медициналық орталық диетология бөлімінің бастығы Ксения Селезнева ата-аналар балаларын тамақтандыруда қандай қателіктер жіберетінін және оларды қалай түзетуге болатынын түсіндірді.
«Негізгі қателіктердің бірі – балаларға алуан түрлі тамақтар ұсынбау. Әрине балалар тағам таңдауда талғампаз, бірақ олардың күнделікті тамақтануын талдағанда, мен көбінесе азық-түліктің мардымсыз ұсынылатынын көремін. Тамақтану неғұрлым әр түрлі болса, соғұрлым біз балаларымызды қажетті дәрумендер мен минералдармен қамтамасыз етеміз. Әр топ ішінде өнімдерді ауыстырып отыру ұсынылады. Мысалы, сіз балаңызға күн сайын таңертең сұлы бермей, бүгін қарақұмық, ертең — сұлы, ал одан кейін — көп дәнді ботқа беруіңіз керек. Көкөністерге, жемістерге және ақуыз өнімдеріне де осы қатысты », — деп түсіндірді Селезнева.
Сонымен қатар диетолог атап өткендей, адам тіпті әртүрлі диеталармен қамтамасыз ете алмайтын бірқатар дәрумендер бар екенін ұмытпауымыз керек. Мысалы, оларға «шуақты» D дәрумені жатады. Селезнева бұл дәруменді ата-аналарға балаларына қосымша түрінде беру керектігін, сонымен қатар өздерін ұмытпау керектігін атап өтті. Маман дұрыс тамақтанудың тәртібі болмауы да жиі кездесетін проблема екендігін атап өтті. Оның айтуынша, көбінесе бала таңғы асты үйден жейді, ал күндіз ол мектепте онша пайдалы емес тағаммен тамақтанып, тіпті түк жемейтін кездері де болады. Ал үйге оралғанда үйінде тойып кешкі ас ішеді.
Селезнева бұл балаға қажетті дәрумендердің күнделікті қажеттілігін қамтамасыз ету үшін жеткіліксіз екенін баса айтты. «Баланың ас мәзірінде міндетті түрде көкөністер, жарма, ет, құс еті, балық, ашытылған сүт өнімдері, жемістер, жидектер мен жұмыртқалар болуы керек»- деп көрсетті медицина ғылымдарының кандидаты. «Сондай-ақ, балалар тағамындағы өте маңызды мәселе — бұл түрлі-түсті тағамдардың болуы. Бала мұны психологиялық тұрғыдан әлдеқайда жақсы қабылдайды. Сонымен қатар бұл дәрумендердің ең жоғары мөлшерін қамтамасыз етеді, өйткені жасыл түсте белігілі бір пайдалы заттар көп, қызыл түсте — басқалары, күлгін түсті — басқа дәрумендер бар », — деп толықтырды Ксения Селезнева.
Источник: Хабар 24
