23-24 сәуірде «Астана Балет» театрының сахнасында театр бас балетмейстері Мукарам Авахри сахналаған «Сұлтан Бейбарыс» балеті көрсетіледі. Ауқымды, керемет жоба Египет пен Сирия сұлтаны болған, көптеген тарихшылар қыпшақ даласының тумасы деп көрсететін Бейбарыстың өмір жолы туралы баяндайды.
Қойылымның желісі Бейбарыстың балалық шағынан басталды, оның ауылына шабуылдап, бала Бейбарысты құлдар базарына сату үшін алып кетеді. Құлдар базарынан мамлюк әскеріне тап болады. Осы әскер сапында жүріп күні-түні соғыстарға дайындалады. Өзінің керемет қабілеттерінің арқасында сұлтанның жақын адамына айналады, уақыт өте келе Мамлюк сұлтанатын басқарады.
«Көрермендер қойылымды алғаш рет өткен жылдың желтоқсанында тамашалады. «Балет және ұлттық биді дамыту және қолдау қорының» және «Самұрық-Қазына»АҚ қолдауымен өткен премьера, сонымен қатар қойылым барысында Қазақстандағы бірінші аттас телебалеттің түсірілімі жүргізілгендіктен бұл қазақстандық балет әлеміндегі ерекше оқиға болды», — дейді «Астана Балет» театрының көркемдік жетекшісі, Ресей Федерациясының еңбек сіңірген қайраткері Нұрлан Канетов.
Қойылымда танымал қазақстандық өнер қайраткерлері жұмыс істеді: хореограф-режиссер Мукарам Авахри, композиторлер Хамит Шанғалиев пен Алибек Алпиев, ақын Бақыт Қайырбеков. Сондай-ақ қоюшы топ құрамына қоюшы-суретші Леонид Басин, жарық қоюшы Арсений Сафиуллин және оның көмекшісі Роберт Дауто, костюм суретшісі Ася Соловьева енді.
Источник: Tengrinews
