Эпилепсия туралы шындық және миф
Эпилепсия дегеніміз — адамның ми жасушаларынан электр энергиясының қайталама, кездейсоқ және күшпен босатылуынан туындаған себепсіз ұстамалар пайда болатын ауру түрі. Осы ауру туралы желіде кең тараған тұжырымдар.
№1 мәлімдеме: Эпилепсия жұқпалы.
Бұл мәлімдеме – миф. Эпилепсия — бұл неврологиялық ауру, ұстамасы бар адаммен байланыстан таралмайды.
№2 мәлімдеме: Эпилепсия емделмейді.
Бұл мәлімдеме – миф. Дәрі-дәрмек, хирургия, диета және басқа емдеу түрлері көптеген эпилепсиялық науқастардың ұстамаларын азайтуға немесе жоюға көмектесті, деп жазады Narayana Health. Дұрыс емдеу жасаған жағдайда науқастардың көпшілігі толыққанды өмір сүре алады.
№3 мәлімдеме: Эпилепсия интеллектке әсер етеді.
Бұл мәлімдеме – миф. Эпилепсия іс жүзінде адамның ойлау қабілетіне әсер етпейді, тек кейбір ұстамаларды айтпағанда, кейде кейбір эпилепсияға қарсы препараттардың жанама әсері болуы мүмкін.
№4 мәлімдеме: Эпилепсиядан өліп кетуге болады.
Бұл мәлімдеме – шындық . Эпилепсия — бұл өте ауыр ауру, адамдар ұстамадан өліп кетуі де мүмкін. Сарапшылардың пікірінше, ұзақ уақытқа созылған ұстамалар АҚШ-та жыл сайын 22000 мен 42000 адамның өліміне себеп болады, деп хабарлайды Valley Children баспасы.
№5 мәлімдеме: Ұстама кезінде эпилепсиялық науқастар кейде тілдерін жұтып қояды.
Бұл мәлімдеме – миф . Epilepsy Association of Western and Central PA ешбір адам өзінің тілін жұта алмайтынын хабарлайды . Ұстамасы бар адамның тілін қысу немесе аузына бірдеңе қою әрекеті олардың тістерін немесе жақ сүйектерін зақымдауы мүмкін. Адамның жағын бір жағына бұрып, оның тыныс алу жолдарының бос екендігіне көз жеткізуге болады.
№6 мәлімдеме: Эпилепсиямен ауыратын әйелдер бала көтере алады.
Бұл мәлімдеме – шындық . Эпилепсия әдетте әйелдің жүктілік қабілетіне әсер етпейді және баланың дамуына минималды әсер етеді. Егер әйелдер эпилепсияға қарсы дәрілерді қабылдайтын болса, туа біткен кемістіктер қаупі 2% -дан 10% -ға дейін жетеді. Әйел адамдар невропатологпен және акушермен тығыз жұмыс жасау арқылы қауіпті барынша азайта алады, дейді Cleveland Clinic.
Источник: nur.kz
