Мүгедектігі бар жігіт қала әкімшілігі мен жол-құрылыс компанияларына жолдардағы шұңқырлар мен шалшықтар үшін алғысын білдірді.
Ақтөбе тұрғыны өзінің Instagram парақшасында видеоүндеу жариялаған.
«Бүгін мен бассейнде жүзуге осындай керемет мүмкіндік бергені үшін Ақтөбе қаласының әкімдігі мен жол-құрылыс компаниясына ризашылығымды білдіргім келеді. Сіздер кереметсіздер!» — дейді видеосында кейіпкер.
Сондай-ақ жас жігіт қала әкімшілігіне өзі тектес ерекше жандардың аквапарктерге, саябақтар мен сауда орталықтарына бару мүмкіндіктері үшін «алғысын білдірді».
«Біздің жайлы өмірімізге қосқан үлестеріңіз баға жетпес. Бірақ менің бір өтінішім бар, пандус орнатыңыздаршы, әйтпесе төмен түсу өте ыңғайсыз!» — дейді видео авторы.
Ақтөбе қаласының тұрғын үй-коммуналдық шаруашылық, жолаушылар көлігі және автомобиль жолдары бөлімі бейнежазба жазылған Пожарский көшесінің жолдары соңғы екі жылда жөнделмегенін хабарлады.
«Тұрғын үй-коммуналдық шаруашылығы, жолаушылар көлігі және автомобиль жолдары бөлімінің іс-шаралар жоспарына Пожарский көшесі жолдарын жөндеу жұмыстары енгізілді. Жаңбырлы ауа-райына байланысты жолдарды жөндеу жұмыстары уақытша тоқтатылды. Ауа-райы жағдайлары қолайлы болған сәтте жоспарланған іс-шаралар жалғасады», — делінген Ақтөбе тұрғын үй-коммуналдық шаруашылығының хабарламасында.
Тұрғын үй-коммуналдық шаруашылық бөлімі сонымен қатар ауа-райының жақсарған сәттен басқа аудандарда да іс-шаралар басталатынын атап өтті.
Источник: Newtimes
