Биылғы жылы қазақстандық жоғары оқу орындары өз үлгілеріне сәйкес дипломдар бере бастайды.
Қазақстан Республикасының «Білім туралы» Заңының 39-бабына сәйкес жоғары оқу орындары (Әділет академиясы, әскери, арнайы оқу орындары, денсаулық сақтау саласында жоғары және (немесе) жоғары оқу орнынан кейінгі білімнің білім беру бағдарламаларын іске асыратын білім беру ұйымдарынан өзге) 2021 жылдан бастап өз үлгісіндегі дипломдар бере бастайды.
Университеттер өзіндік үлгідегі білім туралы құжаттардың нысанын, дизайнын, оларды толтыру талаптарын дербес әзірлейді және оларды Директорлар кеңесі бекітеді. Министрлік өз үлгілеріндегі білім беру құжаттарының жалған нұсқаларын дайындауды болдырмас үшін құжаттың әр түріне сериясы мен реттік нөмірленуін тағайындайды, -деп хабарлайды Білім және ғылым министрлігі.
Министрлік өз үлгілеріндегі білім беру құжаттарының мазмұнына, оларды тіркеу мен беруге қойылатын негізгі талаптарды бекітуде.
Қазақстан Республикасының Білім және ғылым министрі Асхат Аймағамбетовтің айтуынша, министрлік Заңға 100% мемлекеттің қатысуы бар ЖОО-ны жекешелендіруге жол бермейтін түзетулер енгізуге бастама жасаған, бұл әл-Фараби атындағы ҚазҰУ, Сәтбаев университеті, Абай атындағы ҚазҰПУ, Бөкетов атындағы ҚарМУ сияқты ірі университеттер ары қарай да мемлекет меншігінде қала береді білдіреді.
Источник: zakon.kz
