Павлодарлықтарды трамвай вагондарында Қазақстан халқының бірлігі күнімен құттықтады. Кезекті мерекелік шараны этномәдени бірлестіктердің өкілдері ұйымдастырды. Жолаушыларды құттықтаулармен қарсы алып, оларға шағын сыйлықтар табыстады. Қала тұрғындары үшін осы мереке күндері трамваймен жүру нағыз ойын-сауыққа айналды. Ұйымдастырушылар бейбітшілік пен келісім трамвайы мамыр бойы жүреді дейді. Сонымен қатар вагондарда жолаушыларды Павлодардың көрнекті жерлерімен таныстыратын гидтер жұмыс істейтін болады. Муслим Махмудов, Павлодар қаласының трамвай басқармасы төрағасы: — Балаларға, қарттарға, орта жастағы жолаушыларға сыйлықтар таратылып керемет жақсы эмоциялар сыйланды.
Жыл ішінде «Ізгі істер марафоны» трамвайында көптеген акциялар мен іс-шаралар өткізу жоспарланып отыр.
Источник: 24.kz
