Қазақстанда мамыр айының соңында жазғы мектептер жұмыс істей бастайды, бұл уақытта үлгерімі төмен оқушылар қашықтықтан оқыту нәтижесінде пайда болған білім кемшіліктерін толтыра алады. Бұл туралы Білім және ғылым министрі Асхат Аймағамбетов мәлімдеді.
Сейсенбіде өткен аппарат жиналысында сөйлеген сөзінде А.Аймағамбетов биыл қазақстандық барлық мектептердегі оқу жылы дәстүр бойынша 25 мамырда аяқталатынын айтты.
Сонымен бірге (26 мамырдан бастап) 19 маусымға дейін біз мектептерде жазғы мектеп ұйымдастырамыз. Негізінде бұл ерікті сипаттағы мектеп болады, бұл шара қосымша қаржыландыруды қажет етпейді, — деді министр.
Министрлік идеясына сәйкес жазғы мектеп оқушыларға білімдегі олқылықтардың орнын толтыруға, ал ата-аналары үшін балаларға жазғы бос уақытты өткізуді ұйымдастыруға мүмкіндік береді. Баланы жазғы мектепке қабылдау үшін оның ата-анасынан тиісті өтініш қажет болады.
Мектепте білім алу ерікті түрде барлығына тегін болады, бірақ басты назар үлгерімі төмен оқушыларға аударылады.
Біз нашар үлгеретін балаларға барынша назар аударуымыз керек. Біз әдетте талантты, дарынды, жақсы жұмыс істейтін балаларға көп көңіл бөлеміз. Бұл балалармен жұмыс жасау оңайырақ әрі қызықты екендігі түсінікті, бірақ бұл жағдайда басты назар нашар үлгеретін балаларға бағытталуы керек, — деді А.Аймағамбетов.
Жазғы мектепте сабақ беретін мұғалімдерге қосымша ақша бөлу жоспарланбағандығы атап өтілді.
Бұл қаржының барлығы қарастырылған, — деп сендірді А.Аймағамбетов.
Бұл кезеңде педагогтар ағымдағы оқу жылына бекітілген жүктеме шегінде жұмыс жасайтынын атап өтті. Мұғалімдер тиісті жазғы демалысты 19 маусымнан кейін ала алады.
Сонымен қатар министр жазғы мектептерге қатысатын мұғалімдер үшін есеп беруді барынша азайтуды тапсырды.
Есеп беру бойынша: формализм жоқ, барынша азайтамыз. Бізде әдеттегідей қандай да бір есептер жазуды жақсы көретіндер бар, бұған жол бермеу керек, — деп аяқтады А.Аймағамбетов.
Источник: zakon.kz
