Бауыр қатерлі ісігінің қаупін жою үшін қандай тағамдар мен әдеттерден бас тарту керек деген сұраққа Қазақ онкология және радиология ғылыми-зерттеу институтының онкологы Ілияс Нұрсейітов жауап берді.
Онколог Ілияс Нұрсейітовтің айтуынша, бауыр қатерлі ісігінің дамуының негізгі қауіпті факторлары созылмалы В және С гепатиттері, бауыр циррозы.
«Бауыр қатерлі ісігі бар науқастардың 80-85% вирустық гепатитке шалдыққан. Бауыр циррозы онкологияға да әкеліп соқтырады. Алкогольді цирроз, уытты гепатит, есірткі пайдалану, үнемі канцерогендерді тамақ тұтыну, паразиттік аурулар, созылмалы өт жолдарының ауруы- осының бәрі бауырдың қатерлі ісігіне әкелуі мүмкін», — деп ескертті дәрігер.
Бауыр қатерлі ісігінің алдын алу шарасы ретінде онколог алкогольді, химиялық заттарды теріс пайдаланбау, В және С гепатитіне қарсы вакцинаны уақытында алу немесе уақытында емделу, артық тамақтанбау, артық салмақпен күресу, жылына кемінде бір рет дәрігерлердің профилактикалық тексеруінен өту керек деп атап өтті.
Источник: nur.kz
