Шығыс Қазақстан облысындағы сауда сөрелерінен қауіпті қуыршақтар мен көліктер табылған.
Санитарлық дәрігерлер сынақ ретінде сатып алу жүргізіп, балалар өнімдерінің құрамында баланың өмірі мен денсаулығына зиян келтіретін зиянды заттарды анықтаған.
Сарапшылар нәресте алжапқышы жасалған материалдан тіпті қатерлі ісік ауруын тудыруы мүмкін улы затты тапқан.
Ойыншық машиналары мен нәрестелерге арналған ыдыс-аяқтар жүрек айнуын, бас ауруын және аллергияны тудыруы мүмкін. Тауарлардағы қауіпті заттардың мөлшері сәбилер үшін екі есе артық мөлшерде болып шыққан.
«Фенол аллергиялық реакцияларды тудырады, жүйке жүйесіне, баланың иммундық жүйесіне әсер етеді және оны басады. Формальдегид одан да қауіпті, өйткені ол өте улы, ол адам ағзасына тек ингаляциямен ғана емес, тері мен асқазан-ішек жолымен де сіңеді», — дейді санитарлық-эпидемиологиялық бақылау бөлімінің бастығы Алена Кравченко.
Мұндай сапасыз тауарлар тіпті мамандандырылған дүкендерде де сатылып келген.
Мамандардың айтуынша қауіпті ойыншықтар Қытай мен Өзбекстаннан әкелінеді. Тауар жеткізушілерге, импорттаушылар мен өндірушілерге айыппұл салынады.
Барлық улы ойыншықтар айналымнан шығарылып, жойылған.
Источник: newtimes.kz
