Теледидар, әлеуметтік желі мен суицидтік тенденциялар арасындағы байланыс 30 жылда өзгерген жоқ.
Теледидар көру, әлеуметтік желі мен депрессия арасындағы байланыс аса байқала бермейтін болып шықты. Британдық ғалымдар заманауи технологиялардың жасөспірімдердің психикалық денсаулығына қалай әсер ететіндігін, сондай-ақ бұл әсер 30 жыл ішінде қалай өзгергенін анықтамақ болды. Зерттеу нәтижелері Clinical Psychological Science журналында жарияланған.
Теледидар көру, әлеуметтік желі мен депрессия арасындағы байланыс 1991 жылдан 2017 жыл аралығында аса байқалмаған. Алайда әлеуметтік желі жасөспірімдерде аздап эмоционалды проблемалар тудыратыны анықталған. Сондай-ақ 30 жылға жуық уақыт ішінде суицидтік тенденцияларға теледидар мен әлеуметтік желілердің әсері өзгермеген.
Зерттеу аясында ғалымдар 10 жастан 15 жасқа дейінгі 430 000 жасөспірім арасында сауалнама жүргізген. Олардың психикалық жағдайы сауалнамалар арқылы бағаланған. Кейінірек ғалымдар қанша жасөспірімнің теледидар көріп, әлеуметтік желіде отыратынын нақтылаған.
Бұған дейін австралиялық ғалымдар сегіз-тоғыз жасар бала теледидарды күніне екі сағаттан артық көретін болса, 10-11 жаста ол өз құрдастарына қарағанда баяу оқиды, сонымен қатар нашар санайды деген қорытынды жасаған.
Егер сегіз-тоғыз жастағы бала орта есеппен бір сағат компьютерде отырса, онда баланың 10-11 жасқа дейін есептеу дағдылары нашарлайды. Компьютер балалардың оқу дағдыларына кері әсерін тигізбейтіндігі айтылады. Екі жағдайда да балалар өз құрдастарынан дамуда орташа есеппен жылдың үштен біріне артта қалады.
Ал 2021 жылы ақпанда американдық дәрігер ұйықтар алдында неге әлеуметтік желілерге қарауға болмайтынын түсіндірді. Дәрігердің айтуынша, бұл үлкен қауіпке толы әдет болып табылады.
Источник: liter.kz
