Стресс деңгейі өсімдік тектес тағамдардың мөлшеріне байланысты. Мұндай тұжырымға Австралия университетінің ғалымдары келді, — деп жазады Daily Mail.
Сарапшылар 25-тен 91 жасқа дейінгі 8 мыңнан астам ересектерді зерттеп, тәулігіне 230 грамға дейін өсімдік тағамдарын тұтынатын жандарда стресстің деңгейі жоғарылағанын анықтады. Күніне 470 грамм жеміс-жидек пен көкөніс тұтынған жандарда стресстің деңгейі 10% төмендеген. Ғалымдар көкөністер мен жемістермен бірге адам ағзасына ағзаның жалпы жағдайын қолдайтын дәрумендер мен қоректік заттар көп түсетіндігін түсіндіреді.
Қалыпты жағдайда тәулігіне шамамен алты порция өсімдік тағамдарын тұтынған жөн, — дейді мамандар.
0
