Егер құсу, тәбеттің төмендеуі, жүрек айну және жұту қызметінің бұзылуы сияқты белгілер пайда болса, дереу дәрігерге жүгіну керек,- деп хабарлады Алматы онкологиялық орталығының хирург-онкологы Милан Адиев.
Онколог-хирург Милан Адиевтің айтуынша, асқазан қатерлі ісігінің нақты ауруды анық сипаттайтын патогенномикалық белгілері анықталмаған.
«Пациенттің шағымдары асқазанның созылмалы гастриті және асқазан жарасы сияқты әр түрлі ауруларының көріністеріне сәйкес келуі мүмкін. Егер эпигастрий аймағында ауырсыну сезініп, жұтылудың бұзылуы, жүрек айну, құсу, тәбеттің төмендеуі және салмақ жоғалту белгілері анықталған жағдайда дереу дәрігерге жүгініңіз», — деді сарапшы.
Онколог атап өткендей, егер асқазан қатерлі ісігіне күдік туындаса, келесі тексерулерден өту керек: маманның анамнезін тексеру, ісік мөлшері, пішіні мен орналасуын диагностикалық бейнелеу үшін компьютерлік томография (КТ), асқазан-ішек жолдарының жоғарғы бөлігінің эндоскопиясы, оның барысында дәрігер зерттеу үшін сынама ала алады, бұл процедура биопсия деп аталады.
