Маңғыстау облысының Сенек ауылында Смағұл Елубаевтың «Ақ боз үй» романының желісі бойынша тарихи драма түсіріледі.
Аймақтың қоғамдық коммуникация орталығында (ҚКО) хабарлағандай, Смағұл Елубаевтың «Ақ боз үй» романының негізінде тарихи драманың түсірілімі Сенек ауылында келесі аптада басталады.
«Қазақстанның еңбек сіңірген қайраткері, жазушы, сценарист Смағұл Елубаевтың романында 1930 жылдардағы аштық туралы айтылады. Фильмде қазақ халқының драмасын бір отбасының тарихы арқылы көрсетеді», — деп хабарлады ҚКО.
Фильмнің режиссері «Оазис» және «Бала ғашық» фильмдерін түсірген Бегарыс Елубаев болады. «Аңшы бала» лентасы үшін Бегарыс Елубаев Лос-Анджелестегі Халықаралық кинофестивальдің жүлдесін алды.
Пахреддин бидің басты рөлін Сәкен Сейфуллин атындағы қазақ драма театрының әртісі Қайрат Кемалов сомдайды.
«Смағұл Елубаев Сенек ауылына келіп, түсірілім орнын қарады. Фильмді 2022 жылы наурызда көрермендерге ұсыну жоспарланған», — деп толықтырды ҚКО.
