Қазақстан Республикасы Білім және ғылым министрлігі Мектепке дейінгі және орта білім комитетінің төрайымы Майра Мелдебекова оқу жылын қорытындылады.
«Енді біз білімді толықтыру бойынша жұмыс істеуіміз керек. Сондықтан 26 мамырдан бастап біздің елде жазғы мектептер іске қосылады. Бұл бір күндік жұмыс болмайды. Әрі қарай, алдағы оқу жылында да бұл міндет орындалады, — деді Майра Мелдебекова.
Оның айтуынша, жазғы мектептер әр түрлі форматта жұмыс істейтін болады.
«Мұның бәрі ата-аналар мен оқушылардың қалауы бойынша болады. Әр түрлі форматтар болады. Сынып жиындары немесе жеке сабақтар өткізіледі. Ол 26 мамырда басталады, бірақ біз нақты статистиканы ұсынамыз. Ол 17 маусымға дейін жалғасады», — деп атап өтті спикер.
Білім және ғылым министрлігінің өкілі бала жазғы мектепке белгілі бір себептермен келмеген жағдайда, бұл фактіні түсіндіріп, дәлелдеудің қажеті жоқ деп сендірді — барлығы ата-аналардың өтініштері бойынша жасалады.
Сонымен қатар мұғалімдердің қанша күн демалатындығы туралы да айтылды.
«Жалпы, мұғалімдер каникул кезінде 56 күн демалады. Қалған күндер әдеттегідей жұмысқа келеді, — деп қорытындылады М.Мелдебекова.
