Алматы облысында 26 мамырдан бастап 600-ге жуық жазғы мектеп жұмыс істей бастайды. Ата-аналардан 100 мыңнан астам өтініш келіп түсті, деп хабарлайды облыстық білім басқармасы.
Қойылған талаптарды ескере отырып, бір сыныпқа 15 оқушыдан жинауға рұқсат етіледі. Сабақтар барлық мектеп пәндері бойынша өтеді.
Айжан Адамбекова, білім бөлімі басшысының орынбасары:
— Әр мұғалім оқыту формасын өз қалауы бойынша таңдайды. Бұл процесс оның кәсіби шеберлігіне байланысты. Мүмкін бұл дәстүрлі оқыту, мүмкін жобаға негізделген әдіс болар, таза ауада жаттығу болса да ешқандай шектеулер жоқ. Барлығы мұғалімнің өзіне байланысты.
0
