Қостанай облысының әкімі Архимед Мұхамбетов аутизм және басқа да ақыл-есі кем балаларға арналған орталық ашу жоспарланып отырған ғимараттағы жөндеу жұмыстарын тексерді, деп хабарлады аймақ басшысының Instagram желісіндегі ресми парақшасында.
Аумағы 2 мың шаршы метрден асатын ғимарат күрделі жөндеуді қажет етеді. «Қамқорлық» бастамасы аясында жөндеу жұмыстары аяқталғаннан кейін мұнда инклюзивті қоғамды дамытуға және зейнеткерлік жастағы адамдарды қолдау жөніндегі жүйелік шаралар мен олардың қоғамға араласуына бағытталған аутизм және басқа да ақыл-ой кемістігі бар балаларға арналған орталық, сондай-ақ «Белсенді ұзақ өмір» бастамасы аясында белсенді қартаю орталығы ашылады.
Бұл бастамалар Елбасы Н.Ә. Назарбаевтың тапырмасы болып табылады, — деді А.Мұхамбетов.
Сондай-ақ облыс әкімі «Әуежай» шағын ауданындағы №19-20-21 жалдамалы үйлердің құрылыс барысымен танысты. Осы үйлер пайдалануға берілгеннен кейін 108 пәтерді кезекте тұрған халықтың әлеуметтік осал топтарына жататын отбасылар алады деп жоспарлануда.
«Қазіргі уақытта шұңқырды игеру аяқталды, жылу және кәріз желілері тартылуда. Нысандарда жоспарланған жұмыстар жүргізілуде. Нысанды 2022 жылдың шілдесінде пайдалануға беру жоспарланып отыр», — деп қорытындылады әкім.
