21 маусымнан бастап Ashyq жүйесі Алматы, Қарағанды және Өскемен теміржол вокзалдарында ресми түрде енгізілуде.
Жолаушылар мен оларды шығарып салушылар жүйеде «жасыл» немесе «көк» мәртебеге ие болған жағдайда вокзал ғимараттарына кіре алады. Тиісінше «сары» және «қызыл» мәртебеге ие азаматтар поездге жіберілмейді, сонымен қатар жалпы вокзалдарға да кіргізілмейді.
Қазіргі уақытта Ashyq жүйесі еліміздегі адамдар көп жиналатын орындарға жатқызылған түрлі нысандарда белсенді түрде енгізілуде. Бүгінде аталмыш жүйе әуежайларда, ал 17 маусымнан бастап Нұр-Сұлтан қаласындағы Нұрлы-Жол теміржол станциясында іске қосылған.
0
